मोकळा श्वास

थोडा हवा आहे.मोकळा श्वास,

जिथं ओझं नाही, जिथं गर्दीचा भास नाही,

फुफ्फुस भरून घेताना, मनही भरून यावं,

आणि एकदाच सही, हलकं वाटावं!

इथं श्वास घेतले जातात,

पण आत कुठेतरी अडखळतात,

तुझ्यासमोर येऊनही शब्द रेंगाळतात,

मग हा श्वास कसा मोकळा व्हायचा?

एखादी संध्याकाळ अशी हवी,

जिथं वाऱ्याने हळूच केस विस्कटावेत,

डोळ्यांतली धूळ निघून जावी,

आणि पापण्यांवर शांत निवांतपणा ठेवावा!

Comments

तु

तुझ्या आठवांनी झोप चोरली, ही रात्र का संपत नाही, मी मनात बोलतो तुझ्याशी, पण तुझं उत्तर का येत नाही. तुझी चाहूल लागते, आणि हवा गोंजारते काही, मी डोळे मिटतो सावकाश, पण स्वप्नात तू दिसतच नाही. तुझं नाव लिहायचं, हात थरथरतो का कुणास ठाऊक, मी आकाशात शोधतो तुला, पण तारा सुद्धा ओळखत नाही. तुझ्या सुगंधात हरवायचं, हे मन रोज ठरवतं, पण दरवेळी त्या वाऱ्याला तुझं ठिकाण सापडतच नाही. तुझं नाव लिहिलं तरी, शब्द का जळत जातात, मी मनात ओतलं पाणी, ते डोळ्यातून का वाहतं. हे असं चालूच राहिलं तर, शब्दही दमून जातील, पण मी तुझीच वाट पाहत कविताच होत जाईन.

....

तुझ्या निरागस हसण्यात मी भान हरपून बसतो, तुझ्या पाऊलखुणात मी हळवीशी वाट शोधत असतो. तुझा शब्द छोटा का होईना, माझ्या हृदयात घर करून असतो, प्रयत्न का होईना, पण तुझे इवलेसे मन जपत असतो. निशब्द असलो तरी, तुझ्या अखंड बडबडीत शब्द सुचवत असतो, अबोल भावना का होईना, तुझ्या शब्दात जाणवत असतो....

होळी

धगधगती ज्वाला उठती, प्रज्वलित त्या फुलत्या, दहन होई सर्व दोष, हर्ष सरे दुःखाच्या! पंचमहाभूते नाचती, मंत्र गजर तो दाटला, रंगांच्या त्या वर्षावाने, आनंद सारा सांडला! धूळवडीच्या सकळ क्षणी, रंग जाहले इंद्रधनू, गुलालाच्या त्या स्पर्शाने, विरघळले सर्व मनू! भाव स्नेह अन् प्रेम गहिरे, हास्य हास्य लय दाटे, जग उजळे रंगोत्सवाने, सुख सिंधू मनी लाटे! शिशिर गेला, वसंत हसला, फुलांवरी ती मोहरली, होळीच्या त्या ज्वाळेमध्ये, काळोखी सारी हरली!

LEKHRANG

Search This Blog