तुला पाहिलं अन् विरहाचं कारण कळेना,
स्वतःच्या श्वासाचं वजन कळेना.
तुझं नाव घेताना शब्द थबकतो ओठांवर,
अन् का कोण जाणे, त्या गोड गूढाचं स्पष्टीकरण कळेना.
तू दूर आहेस, हे सत्य मला झोपवत नाही,
स्वप्नात येशील, असं म्हणावं की नको,याचं उत्तर कळेना.
प्रेम असावं तर असं, झुळूक असावी जशी,
सुगंध वाटावा पण स्पर्शाचंही स्पष्टीकरण कळेना.
सांभाळावं हळूच, असं नातं आहे आपलं,
जे मोडेल शब्दांनं, पण मौनानं त्याचं पतन कळेना.
Comments
Post a Comment