धगधगती ज्वाला उठती, प्रज्वलित त्या फुलत्या,
दहन होई सर्व दोष, हर्ष सरे दुःखाच्या!
पंचमहाभूते नाचती, मंत्र गजर तो दाटला,
रंगांच्या त्या वर्षावाने, आनंद सारा सांडला!
धूळवडीच्या सकळ क्षणी, रंग जाहले इंद्रधनू,
गुलालाच्या त्या स्पर्शाने, विरघळले सर्व मनू!
भाव स्नेह अन् प्रेम गहिरे, हास्य हास्य लय दाटे,
जग उजळे रंगोत्सवाने, सुख सिंधू मनी लाटे!
शिशिर गेला, वसंत हसला, फुलांवरी ती मोहरली,
होळीच्या त्या ज्वाळेमध्ये, काळोखी सारी हरली!
Comments
Post a Comment